Blick usem Fänschter zum Bahnhofplatz Biel

copyright Marianna Brüggemann

 

Fritig, 22. Juli 2016

Dr Heilandsandaletyp tuet immer a chli i d’Stärne luege, obschons scho lang Mittag isch u heiss ufem Bahnhofplatz Bieu.

Samschtig, 23. Juli 16

Si isch wieder da u schimpft die Pünkerin, Chriegere zrügg us der verlorene Schlacht, dass es aui ghöre wo pressiert si.

Sunntig, 24. Juli 2016

Der flissig Hund, er weiss wos lang geit und zieht si bequeme Herr ufem Rollbrätt hei.

Mäntig, 25. Juli 2016

Dä Achlager richtet sech a niemer, plötzlech risst er sis scheewisse T-Shirt vom Liib u schmeissts a Bode, rüeft mit beide Händ zum Himmu: “Le Péché”, singt über das Leid vo sim Vouk in Afrika.

Dsischtig, 26. Juli 2016

Sie wättere nid übers Wätter, die vier Duurtrinker, a Rothaarigi, a Glatzchopf, zwöi Jäger mit Spitzbärtli u je zwöi Spatzefädere uf de Hüet, ires Fescht dr Besüffnis söu jede schockiere. Villecht zu irem überläbe.

Mittwuch, 27. Juli 2017

Vier schwarzi Dame us Afrika singe zum Empfang am Bahnhofplatz. Es wird kes Fröidefescht. Dr Alltagszwang oder wöu die Sängerinne nid bsteut si? Si rüefe lut trotz de Hitzedämone. Mir si ine dankbar u schänke nume a Münze oder gar nüt.

 

 

 

 

Advertisements

One thought on “Blick usem Fänschter zum Bahnhofplatz Biel

  1. Gueti Beobachtige Lut grob u gfürchig geits da zue u här für üs gsünderi Bürger 😊

    Mit freundlichen Grüßen

    Guido Brüggemann

    >

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s